تامل ناڈو میں اداکار سے سیاست دان بننے والے وجے کی پارٹی TVK نے اسمبلی انتخابات میں 108 نشستوں کے ساتھ سب سے بڑی پارٹی ہونے کا اعزاز حاصل کیا ہے، تاہم وہ اکثریت (118) سے 10 نشستیں پیچھے ہیں۔ اس سیاسی صورتحال میں حکومت سازی کے لیے جوڑ توڑ کا سلسلہ تیز ہو گیا ہے۔
PMK کی بڑی شرط: نائب وزیر اعلیٰ کا عہدہ طلب:
سب کی نظریں پٹالی مکل کچی (PMK) اور اس کے لیڈر انبومنی رام داس پر ٹکی ہیں۔ میڈیا رپورٹس کے مطابق TVK اور PMK کے درمیان مذاکرات جاری ہیں، لیکن رام داس نے ایک بڑی شرط رکھ دی ہے۔ انہوں نے اپنی اہلیہ اور دھرم پوری سے نو منتخب رکن اسمبلیسومیہ انبومنی کے لیےڈپٹی سی ایم کا عہدہ مانگا ہے۔ اس کے علاوہ انہوں نے اس نشست کا بھی مطالبہ کیا ہے جسے وجے استعفیٰ دے کر خالی کریں گے۔ وجے نے فی الحال ان مطالبات پر کوئی فیصلہ نہیں کیا ہے۔
کانگریس کی حمایت اور DMK کی برہمی:
کانگریس نے باقاعدہ طور پر وجے کی پارٹی TVK کو حمایت دینے کا اعلان کر دیا ہے، لیکن کانگریس کی 5 نشستوں کو ملا کر بھی تعداد 113 بنتی ہے، جو اکثریت سے 5 کم ہے۔ ادھر ڈی ایم کے (DMK) نے کانگریس کے اس فیصلے پر سخت ناراضگی کا اظہار کیا ہے۔ DMK ترجمان سروانن انادورائی نے کانگریس کو "پیٹھ میں چھرا گھونپنے والی" قرار دیتے ہوئے کہا کہ کانگریس نے جو 5 نشستیں جیتیں وہ DMK کے اتحاد کی وجہ سے تھیں۔
سیٹوں کا حال؟
ٹی وی کے ،تمل ناڈو اسمبلی انتخابات میں 108 سیٹیں حاصل کرکے سب سے بڑی پارٹی بن کر ابھری۔ اس کے بعد، دراوڑ منیتر کزگم (ڈی ایم کے) نے 59 نشستوں پر کامیابی حاصل کی، جب کہ آل انڈیا انا دراوڑ منیتر کزگم (اے آئی اے ڈی ایم کے) نے 47 نشستوں پر کامیابی حاصل کی۔ کانگریس پارٹی نے 5 سیٹیں حاصل کیں۔
دریں اثنا، پٹالی مکل کچی (پی ایم کے) نے 4 نشستیں جیتیں۔ دیگر جماعتوں میں، انڈین یونین مسلم لیگ (IUML)، کمیونسٹ پارٹی آف انڈیا (CPI)، Viduthalai Chiruthaigal Kachi (VCK)، اور کمیونسٹ پارٹی آف انڈیا (مارکسسٹ) [CPI(M)] نے ہر ایک نے 2 نشستیں حاصل کیں۔ مزید برآں، بھارتیہ جنتا پارٹی (بی جے پی)، دیسیا مرپوکو دراوڑ کزگم (ڈی ایم ڈی کے)، اور امّا مکل منیترا کزگم (اے ایم ایم کے) نے ہر ایک نے 1 سیٹ جیتی۔
