آئی سی سی نے امریکی کرکٹر اکھلیش ریڈی پر8سال کی پابندی لگائی
اکھلیش ریڈی پرابوظہبی ٹی 10 لیگ میں کرپشن کا انکشاف
اکھلیش ریڈی نے اپنے ساتھی بولرسے کہا کہ وہ اسے مزید رنز دیں
واٹس ایپ اورکال لاگ ڈیلیٹ کرکے تحقیقات کوگمراہ کرنےکی کوشش
انٹرنیشنل کرکٹ میں کرپشن کے ایک اور کیس نے ہلچل مچا دی ہے۔ انٹرنیشنل کرکٹ کونسل (آئی سی سی) نے امریکی (یو ایس اے) کرکٹر بودوگام اکھلیش ریڈی پر آٹھ سال کی پابندی عائد کر دی ہے۔ آئی سی سی نے یہ سخت کاروائی اکھلیش ریڈی کے 2025 میں ہوئےابوظہبی ٹی 10 لیگ میں اینٹی کرپشن کوڈ کی خلاف ورزی میں قصور وار پائے جانے کے بعد کی۔
ٹربیونل نے پایا کہاکھلیش ریڈی نے T10 لیگ کے میچ کے نتائج کو متاثر کرنے کی کوشش، جان بوجھ کر ٹیم کے ساتھی کو زیادہ رنز بنانے کے لیے کہا، اور تحقیقات میں رکاوٹ ڈالنے کی نیت سے اپنے فون سے واٹس ایپ میسجز اور کال لاگز کو حذف کرنے جیسے جرائم کا ارتکاب کیا ہے۔
19 نومبر 2025 کو، اسپن اسٹالینز کی ٹیم کو اپنا پہلا میچ کھیلنے سے ایک دن پہلے، اکھلیش ریڈی نے اپنے ساتھی گیند باز سے ان کے ہوٹل کے کمرے میں ملاقات کی اور اسے مزید رنز دینے کو کہا۔ انہوں نے اسے سمجھانے کی کوشش کی کہ وہ ٹیم مینجمنٹ کی ہدایت پر یہ ہدایت دے رہے ہیں۔ تاہم کھلاڑی نے انکار کر دیا اور فوری طور پر یہ معاملہ آئی سی سی اینٹی کرپشن یونٹ کی توجہ میں لایا۔ ٹریبونل نے تحقیقات کے حصے کے طور پر فون پر ڈیٹا ڈیلیٹ کرنے کے بارے میں اکھلیش کی وضاحت کو مسترد کر دیا۔ 26 سالہ اکھلیش ریڈی اب تک امریکہ کے لیے چار T20میچ کھیل چکے ہیں۔
آئی سی سی نے پیر کو ایک بیان میں کہا کہ "پابندی 21 نومبر 2025 تک کی گئی ہے،" انہوں نے مزید کہا کہ ریڈی کی بدعنوان سرگرمیوں میں حصہ لینے کے لیے دوسرے کھلاڑی کو متاثر کرنے کی کوشش کامیاب نہیں ہوئی۔ریڈی نے آخری بار اپریل 2025 میں یو ایس اے کے لیے کھیلا تھا۔
