کرناٹک کے وزیراعلی ڈی کے شیوکمار نے پہلی کا بینی میٹنگ میں فلاحی اور ترقیاتی اقدامات کی ایک سیریز کا اعلان کیا، جس میں تمام طلباء کے لیے مفت بس پاس، 56,000 سرکاری آسامیوں پر بھرتی، اور نجی روزگار کے تبادلے کا نظام شامل ہے۔ انہوں نے ریاست بھر میں 10,000 نوجوانوں کی ایسوسی ایشنز،جائیداد معاملوں کے حل کیلئے قبضے کے سرٹیفکیٹ (او سی ) اور تکمیلی سرٹیفکیٹ (سی سی ) کے مسائل کے حل، بی۔کھاتہ جائیدادوں کو اے۔کھاتہ کی حیثیت میں تبدیل کرنے، اور بنگلورو کے لیے 2,000 کروڑ روپے کے روڈ ری سرفیسنگ پروگرام کا اعلان کیا۔ یہ اعلانات ودھان سودھا میں وزیر اعلیٰ کی حیثیت سے حلف برداری کے بعد شیوکمار کی زیر صدارت کابینہ کی پہلی میٹنگ کے بعد کیے گئے۔
میڈیا سے خطاب کرتے ہوئے، شیوکمار نے اقدامات کو کرناٹک میں "نئے نوجوانوں کے دور" کے آغاز کے طور پر بیان کیا اور کہا کہ حکومت نے کسانوں، مزدوروں، طلباء، نوجوانوں اور سماج کے دیگر طبقات کے لیے پروگراموں کی تیاری میں پچھلے چھ ماہ صرف کیے ہیں۔انہوں نے کہا کہ "ہم نے کابینہ کے اجلاس میں تقریباً دو گھنٹے تک بات چیت کی اور معاشرے کے مختلف طبقوں کے خدشات کو دور کرنے اور نوجوانوں کے نئے دور کے آغاز کے لیے متعدد اقدامات کا فیصلہ کیا۔"وزیر اعلیٰ نے کہا کہ حکومت صرف وعدے کرنے کی بجائے عملدرآمد پر توجہ دینے کا ارادہ رکھتی ہے۔ انہوں نے مزید کہا کہ کسانوں کے تحفظات کو دور کرنا اولین ترجیح رہے گی اور زرعی ماہرین سے مشاورت کے بعد پالیسیاں بنائی جائیں گی۔"ہمیں روزگار اور تعلیم کے لیے دیہات سے شہروں کی طرف ہجرت کو روکنا چاہیے۔ ہمیں زراعت، باغبانی، اور ڈیری فارمنگ کے بارے میں تنگ نظری کو بھی تبدیل کرنے کی ضرورت ہے،" انہوں نے کہا۔
نوجوانوں کےلئے ایسوسی ایشنز کا اعلان
جس کو انہوں نے خوابیدہ پروجیکٹ کے طور پر بیان کیا، چیف منسٹر نے کرناٹک بھر میں 10,000 بھارت جوڈو یوتھ ایسوسی ایشنز کے قیام کا اعلان کیا۔ہر گرام پنچایت میں ایک یوتھ ایسوسی ایشن قائم کی جائے گی، ہر تنظیم میں تقریباً 150-200 نوجوان ممبران ہوں گے۔ اسی طرح کی انجمنیں شہری علاقوں میں وارڈ کی سطح پر بنائی جائیں گی۔ یہ انجمنیں کھیلوں، ثقافتی سرگرمیوں، قیادت کی ترقی، سماجی ہم آہنگی اور نوجوانوں کی صلاحیتوں کو فروغ دینے کے لیے پلیٹ فارم کے طور پر کام کریں گی۔حکومت ہر ایسوسی ایشن کو 10 لاکھ روپے کی مالی امداد فراہم کرے گی، جبکہ فنڈز کے استعمال کے لیے تفصیلی رہنما خطوط آنے والے مہینوں میں تیار کیے جائیں گے۔
حکومت نے مکان کے مالکان کو درپیش قبضے کے سرٹیفکیٹس اور تکمیلی سرٹیفکیٹس کے ساتھ طویل عرصے سے زیر التوا مسائل کو حل کرنے کا بھی فیصلہ کیا ہے۔شیوکمار نے کہا کہ 2,500 مربع فٹ تک کی رہائشی عمارتوں کے لیے ایک وقتی رعایت دی جائے گی جن میں منظور شدہ منصوبوں سے 20 فیصد تک کا انحراف ہے۔ فائدہ ان لوگوں پر لاگو ہوگا جنہوں نے پہلے ہی مکانات تعمیر کر رکھے ہیں اور مقررہ مدت کے اندر درخواستیں جمع کرائیں گے۔ انہوں نے کہا۔"یہ ہماری ذمہ داری ہے کہ ہم اس بات کو یقینی بنائیں کہ گھر کے مالکان کو بنیادی شہری خدمات، بشمول پانی کی فراہمی،"کابینہ نے پوری ریاست کا احاطہ کرنے کے لیے بی-کھاتہ سے، اے-کھاتہ تبدیلی اسکیم کو بنگلورو سے آگے بڑھا دیا ہے۔اسے حکومت کی "چھٹی ضمانت" کے طور پر بیان کرتے ہوئے شیوکمار نے کہا کہ اس اقدام سے جائیداد کے مالکان کو مناسب قانونی دستاویزات اور ان کے اثاثوں کی شناخت حاصل کرنے میں مدد ملے گی۔
کرناٹک کانگریس کوملا نیا صدر
کرناٹک کانگریس میں بدھ کے روز ایک بڑی تنظیمی تبدیلی ہوئی جب آل انڈیا کانگریس کمیٹی نے سینئر لیڈر بی کے ہری پرساد کو چیف منسٹر ڈی کے شیوکمار کی جگہ کرناٹک پردیش کانگریس کمیٹی (کےپی سی سی ) کا صدر مقرر کیا ہے۔اس تقرری کا اعلان اے آئی سی سی جنرل سکریٹری (تنظیم) کے سی وینوگوپال نے کیا۔
72 سالہ ہری پرساد کانگریس کے ایک تجربہ کار رہنما ہیں جو ہندوتوا تنظیموں اور بھارتیہ جنتا پارٹی (بی جے پی) کی قیادت پر سخت تنقید کے لیے جانے جاتے ہیں۔ وہ ماضی میں کانگریس کے سینئر لیڈروں بشمول چیف منسٹر سدارامیا کے ساتھ اختلافات کا اظہار کرتے رہے ہیں۔ ایسے ہی ایک واقعہ کے بعد، سدارامیا نے ہری پرساد کی رہائش گاہ پر ملاقات کی اور ان سے اس معاملے پر بات چیت کی۔آنجہانی احمد پٹیل کے دور میں ہری پرساد کو پارٹی ہائی کمان کے قریب ترین کانگریس لیڈروں میں سے ایک سمجھا جاتا تھا۔ تاہم، پٹیل کے انتقال کے بعد، مبینہ طور پر قومی سطح پر ان کا اثر و رسوخ کم ہوا، جس کی وجہ سے وہ ریاستی سیاست پر زیادہ توجہ مرکوز کرنے لگے۔
کرناٹک کے وزیر اعلی کا کردار سنبھالنے کے بعد، شیوکمار نے بعد میں کے پی سی سی صدر کے عہدے سے استعفیٰ دے دیا اور اپنا استعفیٰ اے آئی سی سی صدر ملکارجن کھرگے کو پیش کیا۔واضح رہے کہ کرناٹک پردیش کانگریس کمیٹی (کے پی سی سی) کے مسلسل چھ سال صدر کے طور پر خدمات انجام دیتے ہوئے اور پارٹی کی تنظیم کو مضبوط کرنے کے لیے ریاست بھر میں انتھک سفر کرتے ہوئے، ڈی کے شیوکمار نے 2023 میں کانگریس کو اقتدار میں لانے میں کلیدی کردار ادا کیا۔
