حیدرآباد کے مصروف ترین علاقہ امیرپیٹ میں جمعرات آتشزدگی کا حادثہ پیش آیا۔ امیرپیٹ میٹرو اسٹیشن اور میتری وانم کے قریب، کے ایس آر شاپنگ مال میں اچانک آگ بھڑک اْٹھی۔ بتایا جا رہا ہےکہ آگ ابتدائی طور پرکھلونوں کی دکان میں لگی، اورپھرآگ آہستہ آہستہ پورے شاپنگ کمپلیکس میں پھیل گئی۔ بڑی مقدار میں پلاسٹک کی اشیاء کی وجہ سے آگ تیزی سے دیگر دکانوں تک پھیل گئی۔ میتری وانم کےعلاقے میں بہت سے دفاتر،کوچنگ سینٹرز اور تجارتی کمپلیکس ہیں۔
حیدرآباد میں امیرپیٹ میٹرو اسٹیشن کے قریب ہیلمٹ بازار میں واقع تین منزلہ کمرشل کمپلیکس میں زبردست آگ بھڑک اٹھی۔ سات فائر ٹینڈرز کو جائے وقوعہ پر تعینات کیا گیا تھا، اور فائر فائٹرز جدوجہد کےبعد آگ پر قابو پا لیا۔ ابتدائی رپورٹ کسی جانی یا مالی نقصان کی اطلاع نہیں ملی ہے۔
آگ لگنے سے پورا علاقہ دھویں کی لپیٹ میں آگیا۔ دھوئیں کی وجہ سے ٹریفک کا نظام متاثر ہوا۔ لوگوں کا کہنا ہےکہ گہرے دھویں کی وجہ سےسڑک نظر نہیں آ رہی تھی۔ اطلاع ملتے ہی فائر فائٹرز جائے وقوعہ پر پہنچ گئے۔واقعے سے علاقے میں ٹریفک کی آمدورفت بھی متاثر ہوئی۔ دوسری جانب پولیس ٹریفک کا رْخ کو موڑنے کی کوشش کی۔ حیدرآباد ٹریفک پولیس نے کہا کہ امیرپیٹ اور ایس آر نگر کے درمیان سڑک پر گاڑیوں کی آمدورفت میں مسلسل آگ بجھانے اور ایمرجنسی رسپانس آپریشنز کی وجہ سے خلل پڑا، جس کی وجہ سے کافی بھیڑ ہوگئی۔مسافروں کو مشورہ دیا گیا ہے کہ وہ متاثرہ راستے سے گریز کریں اور ٹریفک کے معمول کے بحال ہونے تک متبادل سڑکوں کا استعمال کریں۔
مقامی کانگریس لیڈر ناگارجن ریڈی نے کہا کہ رہائشیوں نے عمارت سے دھواں اٹھتے دیکھا اور فوری طور پر ہنگامی خدمات کو الرٹ کیا۔ انہوں نے کہا، "ہم نے تقریباً آدھا گھنٹہ قبل احاطے سے دھواں اٹھتے دیکھا اور فوری طور پر فائر ڈپارٹمنٹ کو اطلاع دی۔ آگ اب بڑی حد تک قابو میں ہے،" انہوں نے کہا۔
آگ لگتے ہی شاپنگ کمپلیکس میں موجود سبھی لوگ باہر بھاگ گئے۔ تاہم، جتنی دکانیں جل گئیں، املاک کو بھاری نقصان ہونے کا خدشہ ہے۔ یہ بھی شبہ ہے کہ حادثہ شارٹ سرکٹ کی وجہ سے ہوا ہو گا۔ دوسری جانب حکام کا کہنا ہے کہ قریبی میٹرو اسٹیشن پر آپریشن میں کوئی خلل نہیں پڑا۔ ان کا کہنا تھا کہ خدمات معمول کے مطابق جاری ہیں۔ متعلقہ پولیس نے معاملہ درج کر لیا ہے۔ جانچ جاری ہے۔
واضح رہےکہ20 فروری 2026 کو حیدرآباد کے امیر پیٹ میٹرو اسٹیشن کے قریب آتشزدگی واقعے پیش آیا تھا ۔ جس میں فائر فائٹرز اور ریسکیو ٹیموں نے بروقت کاروائی کرتے ہوئے عمارت میں پھنسے تقریباً 50 افراد کو بحفاظت ریسکیو کر لیا۔اس سے قبل مئی 2018 میں بھی اسی علاقے میں ایک بڑا حادثہ پیش آیا تھا، جہاں آر ایس برادرز کے شوروم کا گودام جل کر خاکستر ہو گیا تھا۔
