برکس سربراہی کانفرنس نئی دہلی میں کامیابی کے ساتھ اختتام پذیر
رکن ممالک سے تعاون کے ساتھ چیلنجوں کا مقابلہ کرنے کی اپیل
اگلی برکس سربراہی کانفرنس کی میزبانی کرے گا چین
دہلی اعلامیہ کو منظوری، مستقبل کی کاروائی کی سمت طے
نئی دہلی میں منعقدہ 18ویں برکس سربراہی کانفرنس کامیابی کے ساتھ اختتام پذیر ہوگئی۔ وزیر اعظم نریندر مودی نے اختتامی اجلاس سے خطاب کیا۔ انہوں نے سربراہی اجلاس میں شرکت پر رکن ممالک کے سربراہان کا شکریہ ادا کیا۔ وزیر اعظم مودی نے چین کے لیے اپنی نیک خواہشات کا اظہار کیا کیونکہ وہ اگلی برکس چوٹی کانفرنس کی میزبانی کرے گا۔
اس موقع پر خطاب کرتے ہوئے وزیر اعظم مودی نے زور دیا کہ دنیا کو درپیش چیلنجوں پر قابو پانے اور جامع ترقی حاصل کرنے کے لیے برکس ممالک کے درمیان باہمی تعاون بہت ضروری ہے۔ انہوں نے اس بات پر تشویش کا اظہار کیا کہ دنیا بھر میں جاری جغرافیائی اور سیاسی تنازعات سے عام لوگ شدید متاثر ہو رہے ہیں۔ انہوں نے بعض طاقتوں کی جانب سے جدید ٹیکنالوجی اور اہم معدنیات کو ہتھیار بنانے پر گہری تشویش کا اظہار کیا۔
جیسے ہی برکس اتحاد اپنے تیسرے عشرے میں داخل ہو رہا ہے، مودی نے واضح کیا کہ دنیا اس اتحاد سے مفید نتائج کی توقع رکھتی ہے، نہ کہ صرف خیالات اور وعدوں کی ۔ انہوں نے امید ظاہر کی کہ اس سربراہی اجلاس میں اپنایا گیا 'نئی دہلی اعلامیہ' اتحاد کے مستقبل کے وژن اور باہمی تعاون کے لیے ایک واضح سمت فراہم کرے گا۔
سربراہی اجلاس میں چینی صدر شی جن پنگ، روس کے صدر ولادیمیر پوتن، ایرانی صدر مسعود پیشمرگا، ملائیشیا کے وزیر اعظم انور ابراہیم، جنوبی افریقہ کے صدر سیرل رامافوسا، مصر کے صدر عبدالفتاح السیسی، ایتھوپیا کے وزیر اعظم ابی احمد علی، اور ابوظہبی کے شہزادہ محمد بن خلیفہ بن خالد بن ولید سمیت کئی سربراہان مملکت نے شرکت کی۔ اقوام متحدہ کے سیکرٹری جنرل انتونیو گوتریس اور کئی ممالک کے نمائندے بھی موجود تھے۔
