94c0d785-7ecb-4e0e-ba80-526ca3b759b11932026162920.jpg)
بھارتیہ جنتا پارٹی نے آسام اسمبلی انتخابات کے لیے اپنی پہلی فہرست جاری کر دی ہے، جس میں کل ۸۸ امیدوار شامل ہیں۔ اس فہرست میں وزیر اعلیٰ ہمنت بسوا سرما کو جالوکباری نشست سے امیدوار بنایا گیا ہے۔ بی جے پی نے حال ہی میں کانگریس چھوڑ کر پارٹی میں شامل ہونے والے بورڈولوئی کو دِسپور اسمبلی حلقے سے ٹکٹ دیا ہے، جس کے بعد ریاست کی سیاست میں ہلچل پیدا ہو گئی ہے۔
دوسری جانب، پردیوت بوردولو کے بیٹے پرتیک بورڈولوئی نے اعلان کیا ہے کہ وہ مارگریٹا سیٹ سے کانگریس کے ٹکٹ پر انتخابات نہیں لڑیں گے۔ انہوں نے صدر کانگریس ملیکارجن کھڑگے کو خط لکھ کر اپنے فیصلے سے آگاہ کیا اور کہا کہ وہ پارٹی کے رکن رہیں گے لیکن موجودہ حالات میں انتخاب لڑنا مناسب نہیں سمجھتے۔ پرتیک نے اپنے بیان میں کہا کہ وہ پارٹی قیادت کی ہدایت کے مطابق دیگر ذمہ داریاں نبھاتے رہیں گے۔ واضح رہے کہ ان کے والد، جو کئی دہائیوں سے کانگریس سے وابستہ تھے، حال ہی میں استعفیٰ دے کر بی جے پی میں شامل ہو گئے ہیں۔
اسی دوران، کیرالا میں بھی بی جے پی نے اسمبلی انتخابات کے لیے اپنی دوسری فہرست جاری کی ہے، جس میں ۳۹ امیدوار شامل ہیں۔ اس فہرست میں اہم رہنماؤں کو مختلف حلقوں سے میدان میں اتارا گیا ہے۔ پارٹی نے ارنمولا سیٹ سے سابق ریاستی صدر اور میزورم کے سابق گورنر کومانم راج شیکھرن کو امیدوار بنایا ہے، جبکہ نٹیلا سیٹ سے سی سی مکندن کو ٹکٹ دیا گیا ہے۔
بی جے پی کی جاری فہرست کے مطابق، تنور سیٹ سے دیپک پوزھکل، کاسرگوڈ سے اشونی ایم ایل، منجیری سیٹ سے پدم شری ایم اور کونگڈ سیٹ سے رینو سریش انتخابات لڑیں گے۔ پارٹی اس سے قبل اپنی پہلی فہرست میں ۴۷ امیدواروں کے ناموں کا اعلان کر چکی ہے۔ بی جے پی کی جانب سے مسلسل امیدواروں کے اعلان کے ساتھ ہی ریاست میں انتخابی سرگرمیاں تیز ہو گئی ہیں اور مختلف سیاسی جماعتیں اپنی انتخابی مہم میں مصروف ہیں۔
 (1)d63c1fbb-6f13-4912-9b1d-0b26500c87411932026174527.jpg)
 (6)7564bb87-f8d6-4aae-ba46-b14d468590141932026162253.jpg)