تلنگانہ کے وزیر برائے اقلیتی بہبود اور پبلک انٹرپرائزز محمد اظہر الدین نے بدھ کو تلنگانہ سکریٹریٹ میں ایک اعلیٰ سطحی جائزہ اجلاس منعقد کیا۔ ریاستی وزیر نے 13 اگست کو منعقد ہونے والی ہونہار اقلیتی طلباء کے لئے اعزازی تقریب کے انتظامات کا جائزہ لیا۔اس پروگرام میں تلنگانہ کے چیف منسٹر سری اے ریونت ریڈی شرکت کریں گے۔اس جائزہ اجلاس میں محمد علی شبیر ( مشیر حکومت تلنگانہ)، فہیم قریشی (چیئرمین، TGMREIS)، بی شفیع اللہ، IFS (سکریٹری، محکمہ اقلیتی بہبود)، احمد ندیم (پرنسپل سکریٹری) اور دیگر سینئر عہدیداروں نے شرکت کی۔
تلنگانہ کے وزیرِ اقلیتی فلاح محمد اظہرالدین نے بتایا کہ 13اگست کو وزیراعلیٰ ریونت ریڈی کے ہاتھوں اقلیتی ہونہار طلبہ کو اعزاز پیش کیا جائے گا۔تقریب میں گروپ ون، گروپ ٹو، آئی آئی ٹی جے ای ای، ای اے پی سیٹ اور دیگر مسابقتی امتحانات میں نمایاں کامیابی حاصل کرنے والے طلبہ کے علاوہ ،تلنگانہ اقلیتی رہائشی تعلیمی ادارے سوسائٹی (TGMREIS) کے طلبا ایس ایس سی اور انٹرمیڈیٹ میں بہترین کارکردگی دکھانے والے طلبہ کو تہنیت پیش کی جائے گی۔ اور اعزاز سے نوازا جائےگا۔
وزیر محمد اظہر الدین نے سینئر عہدیداروں کے ساتھ تقریب کے انتظامات کا جامع جائزہ لیا۔ انہوں نے متعلقہ عہدیداروں کو ہدایت کی کہ تمام تیاریوں کو مربوط اور احتیاط کے ساتھ انجام دیا جائے، اس بات کو یقینی بناتے ہوئے طلباء، ان کے اہل خانہ یا تقریب میں آنے والے مہمانوں کو کسی قسم کی تکلیف نہ ہو۔ وزیر نے اقلیتی طلباء میں تعلیمی ضرورت کو پہچاننے اور ان کی حوصلہ افزائی کی اہمیت پر زور دیا۔ انہوں نےبتایا کہ ان ہونہار طلباء کی کامیابیاں دوسرے نوجوانوں کے لیے تحریک کا کام کریں گی، انہیں اعلیٰ تعلیم حاصل کرنے اور مسابقتی امتحانات میں کامیابی حاصل کرنے کی ترغیب ملے گی۔وزیر نے اس بات پر زور دیا کہ تقریب کے کامیاب انعقاد کے لیے متعلقہ محکموں کے درمیان ہم آہنگی بہت ضروری ہے۔ حکام کو ہدایت دی گئی کہ وہ سیکورٹی، ٹریفک مینجمنٹ، صفائی، طبی سہولیات، فائر سیفٹی، شہری سہولیات اور دیگر رسد کے حوالے سے جامع انتظامات کریں۔
تلنگانہ حکومت کے مشیر محمد علی شبیر نے کہا ہے کہ ریاست کے 70 مسلم امیدوار آئی اے ایس اور آئی پی ایس افسر بننے جارہے ہیں۔انہوں نے بتایا کہ چیف منسٹر ریونت ریڈی کامیاب امیدواروں کو حیدرآباد میں تہنیت پیش کریں گے۔
پریس ریلیز کےمطابق اس میٹنگ میں ان عہدیداروں نے شرکت کی۔
1. حیدرآباد ڈسٹرکٹ کلکٹر
2. حیدرآباد پولیس کمشنر
3. ایڈیشنل کمشنر آف پولیس (ٹریفک)
4. کمشنر، جی ایچ ایم سی
5. ڈائرکٹر جنرل، تلنگانہ اسٹیٹ ڈیزاسٹر رسپانس اینڈ فائر سروسز، حیدرآباد
6. کمشنر، باغبانی محکمہ
7. کمشنر، انفارمیشن اینڈ پبلک ریلیشنز (I&PR) ڈیپارٹمنٹ
8. چیف انجینئر اور منیجنگ ڈائریکٹر، ٹرانسکو
9. منیجنگ ڈائریکٹر، HMWSSB
10. ڈسٹرکٹ میڈیکل اینڈ ہیلتھ آفیسر (DMHO)، حیدرآباد
تلنگانہ حکومت کی جانب سے اس تقریب کی کامیابی کو یقینی بنانے کے لیے جامع اقدامات کیے جارہے ہیں۔اقلیتی بہبود کا محکمہ اس تقریب کو ایک عظیم الشان جشن کے طور پر منعقد کرنے کے لیے تمام ضروری اقدامات کر رہا ہے تاکہ اقلیتی طلبہ کی تعلیمی قابلیت، ہنر اور مستقبل کی امنگوں کو فروغ دیا جاسکے۔
سی ایم نے لیا محکمہ سول سپلائز کی کارکردگی کا جائزہ
تلنگانہ کے وزیراعلیٰ ریونت ریڈی نے حیدرآباد میں سول سپلائیز محکمہ کی کارکردگی کا جائزہ لیا۔ انہوں نے ڈیفالٹ کرنے والے رائس ملرس سے بقایہ جات کی وصولی کے لیے مؤثر طریقۂ کار وضع کرنے کی ہدایت دی۔وزیراعلیٰ نے کہا کہ جان بوجھ کر بقایہ جات ادا نہ کرنے والی رائس ملوں کو حکومت قبضے میں لے ۔اور اُن رائس ملس کو خواتین کے سیلف ہیلپ گروپس کے حوالے کرنے کے امکان کا جائزہ لیا جائے۔ سی ایم ،ریونت نے گوداموں کے مکمل استعمال پر زور دیا۔اور پانچ اسمبلی حلقوں میں خواتین کے گروپس کے لیے گودام تعمیر کرنے کا پائلٹ پروجیکٹ شروع کرنے کا حکم دیا۔
