شمالی کشمیرکے بانڈی پورہ ضلع میں گریز کے دور افتادہ علاقے میں واقع وادی تلیل کے ترتی کلو گاؤں میں بدھ کوزبردست بادل پھٹنے کی اطلاع ملی۔ اچانک اور مسلسل پانی اور ملبے کے تیز بہاؤ نے گاؤں میں سیلاب جیسی صورتحال پیدا کر دی جس سے درجنوں رہائشی مکانات کو نقصان پہنچا اور سینکڑوں ایکڑ زرعی اراضی زیر آب آ گئی۔ تاہم کسی جانی نقصان کی اطلاع نہیں ملی۔
مقامی لوگوں میں خوف و ہراس
سیلاب جیسی اس صورتحال سے مقامی لوگوں میں گھنٹوں خوف و ہراس پھیل گیا اور مکین اپنے گھر بار چھوڑ کر اپنے بچوں اور جانوروں کو بچاتے ہوئے اونچی جگہوں پر بھاگ گئے۔حکام نے بتایا کہ اس ماہ کے شروع میں، ایک اور بادل پھٹنے کی اطلاع ملی تھی جس میں جموں اور کشمیر کے ضلع ریاسی کے پہاڑی بٹھوئی علاقے میں 14جون کی شام کو کئی مکانات کو نقصان پہنچا تھا۔ تاہم، اس واقعے میں کسی جانی نقصان کی اطلاع نہیں ملی۔
تین اضلاع میں بادل پھٹنے کی اطلاع
جموں خطے میں حالیہ دنوں میں یہ پانچواں بادل پھٹنا ہے۔ منگل کو جموں و کشمیر کے تین اضلاع - ڈوڈا، کشتواڑ اور پونچھ میں چار بادل پھٹنے کی اطلاع ملی، جس سے کئی علاقوں میں سیلاب اور سڑکیں بند ہوگئیں، حالانکہ کسی جانی یا مالی نقصان کی اطلاع نہیں ملی، حکام نے بتایا۔مہورے سب ڈویژن کے بٹھوئی علاقے میں بادل پھٹنے سے اچانک پانی اور ملبہ رہائشی علاقوں میں چلا گیا۔ انہوں نے کہا کہ طوفانی سیلاب سے کئی مکانات ڈوب گئے، گھریلو سامان کو نقصان پہنچا اور رہائشیوں میں خوف و ہراس پھیل گیا۔
موقع پر پہنچیں ریسکیو ٹیمیں
حکام نے بتایا کہ مقامی انتظامیہ اور ریسکیو ٹیمیں متاثرہ علاقے میں پہنچ گئیں اور امداد اور بحالی کی کارروائیاں شروع کیں۔ ڈسٹرکٹ ڈیولپمنٹ کمشنر (ڈی ڈی سی)، ریاسی نے کہا کہ بادل پھٹنے سے گاؤں کے کئی گھروں میں پانی اور ملبہ داخل ہو گیا۔افسر نے کہا، "راحت اور بچاؤ ٹیمیں زمین پر موجود ہیں اور صورت حال پر گہری نظر رکھی جا رہی ہے۔ واقعے میں کوئی جانی نقصان نہیں ہوا ہے، جو کہ راحت کی بات ہے۔ تاہم، کچھ مکانات کو نقصان پہنچا ہے اور ملبہ ہٹانے کا کام جاری ہے"۔
ایل جی نے لیا صورتحال کا جائزہ
لیفٹیننٹ گورنر منوج سنہا نے کہا کہ بادل پھٹنے کے بعد صورتحال کا جائزہ لینے کے لیے انہوں نے ریاسی کے ڈپٹی کمشنر سے بات کی ہے۔ سنہا نے ایکس پر ایک پوسٹ میں کہا، "گاؤں بٹھوئی میں بادل پھٹنے کے بعد صورتحال کا جائزہ لینے کے لیے ڈی سی، ریاسی سے بات کی۔"
کوئی جانی نقصان نہیں
انہوں نے کہا کہ متعدد مکانات کو نقصان پہنچا ہے تاہم خوش قسمتی سے کوئی جانی نقصان نہیں ہوا۔ لیفٹیننٹ گورنر نے مزید کہا، "میں نے ڈی سی کو متاثرہ خاندانوں کو فوری طور پر راحت اور امداد فراہم کرنے کی ہدایت کی ہے۔" حکام نے بتایا کہ بارش کے پانی اور ملبے کے شدید بہاؤ کے بعد پانی کی سطح میں اضافے کی وجہ سے جملان پل کے قریب سڑک پر ٹریفک کو عارضی طور پر معطل کر دیا گیا۔
چوکس رہنے کی اپیل
انتظامیہ نے رہائشیوں سے اپیل کی ہے کہ وہ چوکس رہیں اور کسی بھی ہنگامی صورتحال کی صورت میں مقامی حکام سے رابطہ کریں۔ حکام نے مزید کہا کہ امدادی کارروائیاں جاری ہیں اور صورتحال قابو میں ہے۔
