ہندوستان کے دارالحکومت دہلی میں ہزاروں امیدواروں نے اسٹاف سلیکشن کمیشن کی پالیسیوں اور حالیہ فیصلوں کے خلاف احتجاج کیا۔ جب تک جنتر منتر پر احتجاج جاری تھا سب کچھ ٹھیک تھا، لیکن جیسے ہی احتجاج ڈی او پی ٹی کی طرف بڑھنے لگا، پولیس نے انہیں روک دیا اور امیدواروں کی قیادت کرنے والے کوچنگ اساتذہ پر طاقت کا استعمال کیا۔
مسابقتی امتحانات کی تیاری کرنے والے کئی اساتذہ نے بھی دلی چلوکے نام سے اس احتجاج میں حصہ لیا۔ان کا الزم ہے کی امتحان کے دوران بہت سی تکنیکی خامیاں سامنے آئیں۔ اس دوران کہیں سسٹم کریش ہوا اور کہیں سرور سے متعلق مسئلہ تھا۔ بہت سے طلباء کو دیا گیا کمپیوٹر ماؤس استعمال کرنے کے قابل بھی نہیں ہے کام کرتے ہوئے سکرین بند ہو جاتی ہے۔ بعض امتحانی مراکز سے امیدواروں کے ساتھ بدتمیزی کے واقعات سامنے آئے ہیں۔
हर एक अत्याचार का जवाब देंगे यही युवा..#SSCVendorFailure #SSC #SSCMisManagement #ssc_system_sudharo pic.twitter.com/AYOJThtkEN
— Pushpendra Saroj (@Pushpendra_MP_) July 31, 2025
یہاں سیکورٹی اہلکاروں اور ملازمین پر امیدواروں کے ساتھ بدتمیزی کا الزام لگایا گیا بہرے گونگے طلبا پر لاٹھ چارج کا بھی الزام لگا ہے طلباء نے بتایا کہ پہلے امتحان کے لیے ایڈمٹ کارڈ 4 دن پہلے دیا جاتا تھا لیکن اس بار امتحان سے 2 دن پہلے بھی کارڈ جاری نہیں کیا گیا۔ پولیس کی جانب سے اساتذہ اور طلباء کو حراست میں لینے کے کئی ویڈیوز سوشل میڈیا پر وائرل ہو رہے ہیں۔ جس میں پولیس اہلکار گریبان پکڑ کر اساتذہ کو لے جا رہے ہیں۔
پولیس نے اساتذہ کو حراست میں لے لیا:
امیدواروں نے کوچنگ اساتذہ کے ساتھ موقع پر احتجاج کیا جس کے بعد دہلی پولیس بسیں لائی اور اساتذہ کو بس میں لے گئی۔ اس موقع پر موجود اساتذہ میں ابھینئے سر کے ساتھ ساتھ نیتو سنگھ، راکیش یادو، آدتیہ رنجن اور کئی دوسرے اساتذہ بھی موجود تھے۔ پولیس کی طرف سے کی گئی کارروائی میں کئی اساتذہ نے الزام لگایا کہ ان کے ساتھ ظلم کیا گیا۔ سوشل میڈیا پر وائرل ہونے والی کئی ویڈیوز میں بتایا جا رہا ہے کہ ایک ٹیچر کا ہاتھ ٹوٹ گیا ہے۔ اساتذہ نے پولیس پر الزام لگایا کہ پولیس نے ان کے ساتھ ظلم کیا اور خواتین اساتذہ کو گرفتار کرنے کے لیے کوئی خاتون پولیس موجود نہیں تھی۔ مذکورہ بالا تمام باتیں امیدوار سوشل میڈیا پر ڈال رہے ہیں۔
शिक्षकों पर लाठी चार्ज, ये सिर्फ इसी सरकार में संभव है..
— Pushpendra Saroj (@Pushpendra_MP_) July 31, 2025
जनता इसका जवाब देगी।#SSC #SSCMisManagement #ssc_system_sudharo pic.twitter.com/bsIcFfZ7i8
دہلی پولیس یا اسٹاف سلیکشن کمیشن کا بیان:
اس معاملے میں دہلی پولیس یا اسٹاف سلیکشن کمیشن کی طرف سے کوئی بیان نہیں آیا ہے۔ مظاہرین نے لاٹھی چارج کا الزام لگایا ہے لیکن دہلی پولیس نے اس سے انکار نہیں کیا ہے۔
