الیکشن کمیشن نے نائب صدر کے انتخاب کی تاریخیں جاری کر دی ہے ۔ انتخابات کے لیے ووٹنگ 9 ستمبر کو ہوگی اور اسی دن نتائج کا اعلان بھی کیا جائے گا۔اس حوالے سے نوٹیفکیشن جاری کر دیا گیا ہے۔ الیکشن کمیشن کا کہنا ہے کہ الیکشن کے حوالے سے تمام تیاریاں مکمل کر لی گئی ہیں۔ حتمی تیاریاں ایک ماہ میں ہو جائیں گی۔ یاد رہے کہ جگدیپ دھنکھر کے صحت کی وجہ سے استعفیٰ دینے کے بعد یہ عہدہ خالی ہوا ہے۔
انتخابی نوٹیفکیشن جاری:
الیکشن کمیشن کی طرف سے انتخابی نوٹیفکیشن کا اجراء - 07 اگست 2025
نامزدگی کی آخری تاریخ- 21 اگست 2025
نامزدگیوں کی جانچ پڑتال کی تاریخ – 22 اگست 2025
امیدواری واپس لینے کی آخری تاریخ- 25 اگست 2025
پولنگ کی تاریخ( اگر ضروری ہو تو) 09 ستمبر، 2025 ،کو منعقد کی جائے گی
ووٹنگ کا وقت - صبح 10:00 بجے سے شام 5:00 بجے تک۔
ووٹوں کی گنتی (اگر ضروری ہو تو) 09 ستمبر 2025 کو ہوگی۔
جگدیپ دھنکھر کے استعفیٰ کے بعد یہ عہدہ خالی ہوا:
نائب صدر کا عہدہ جگدیپ دھنکھر کے اچانک استعفیٰ کے بعد خالی ہوا ہے ۔ انہوں نے مانسون اجلاس شروع ہونے کے ایک دن بعد 22 جولائی کی رات 9.30 بجے صدر دروپدی مرمو کو اچانک اپنا استعفیٰ پیش کر دیا۔ انہوں نے اپنے استعفیٰ کے پیچھے صحت کی وجوہات بتائی ہیں، جب کہ اپوزیشن نے مرکزی حکومت اور ان کے درمیان تنازع کو اہم وجہ قرار دیا ہے۔ ابھی تک، نیشنل ڈیموکریٹک الائنس (این ڈی اے) اور ہندوستانی اتحاد نے امیدوار کا فیصلہ نہیں کیا ہے۔
