اوڈیشہ سے تعلق رکھنے والے جیوترمائی نائک مقبول سنگنگ ریئلٹی شو 'انڈین آئیڈل سیزن 16' کے فاتح کے طور پر ابھری ہیں۔ انھوں نے گزشتہ روز منعقدہ گرینڈ فائنل میں ٹرافی جیتی۔ اور ساتھ ہی 20 لاکھ روپئے نقد رقم بھی حاصل کی۔ فائنل میں جیوتیرمائی کا مقابلہ تنشک شکلا، انشیکا چونکر، منراج ویر سنگھ، میسک بوس اور سہیل صوفی سے تھا۔ اور وہ فاتح بن کر ابھریں۔ انھوں نے انڈین آئیڈل کی تاریخ میں ٹائٹل جیتنے والی اوڈیشہ سے پہلی سنگرہیں اور اپنی کامیابی سے ریاست کا سر فخر سے بلند کیا۔
اڈیشہ بھونیشور،سے تعلق رکھنے والی 25 سالہ جیوتیرمائی نائک، انڈین آئیڈل کے ذریعے قومی شناخت حاصل کرنے سے پہلے اوڈیشہ کی علاقائی موسیقی صنعت میں ایک مشہور نام تھی۔ وہ نہ صرف گلوکارہ ہیں بلکہ ایک تربیت یافتہ میوزک تھراپسٹ بھی ہیں۔ وہ موسیقی کے ذریعے ذہنی اور جذباتی مسائل کا علاج کرنے میں مہارت رکھتی ہیں۔ 'ایپک اورا لائف' نامی ایک تفریحی ویب سائٹ کے مطابق، جیوترمائی کی پیدائش رورکیلا میں چکردھر نائک اور گوری نائک کے ہاں ہوئی۔ ان کے والد، جو موسیقی کے بارے میں پرجوش تھے، نے انھیں اس شعبے میں کیریئر بنانے کی ترغیب دینے میں کلیدی کردار ادا کیا۔
ایک انٹرویو میں،جیوترمائی نائک نے اپنے موسیقی کے سفر کے بارے میں بتایا۔ انھوں نے ہندستانی کلاسیکی موسیقی کو رورکیلا میں بدھا پرساد راؤ سے سیکھنا شروع کیا ۔جب وہ تیسری جماعت میں تھیں۔ بھونیشور منتقل ہونے کے بعد، انھوں نے اپنے موجودہ گرو بالکرشن بھیرا کے ساتھ اپنی تربیت جاری رکھی۔ اس کے ساتھ ہی انہوں نے گرو شاردا پرسنا ساہو سے بالی ووڈ کے گانوں کی خصوصی تربیت لی۔ "اگرچہ وہ 2023 میں انتقال کر گئے، ان کی تعلیمات میری رہنمائی کرتی رہیں۔ انہوں نے مجھے گانا گانا نہیں سکھایا بلکہ جذبات کا خوبصورتی سے اظہار کیسے کیا جائے،" جیوترمائی یاد کرتے ہیں۔
جیوترمائی نےKEAT یونیورسٹی، بھونیشور سے کمپیوٹر سائنس میں BTech مکمل کیا۔ بعد میں انھوں نے چنئی اسکول آف میوزک تھراپی سے سند حاصل کی۔ انہوں نے کہا کہ ان کا خواب مستقبل میں عالیہ بھٹ اور دیپیکا پڈوکون کے لیے بطور پلے بیک سنگر گانا ہے۔ انھوں نے شیئر کیا۔ "انڈین آئیڈل جیتنا ایک خواب پورا ہونا ہے،"
انڈین آئیڈل 16 کے فاتح جیوترمائی نائک نے پلے بیک سنسنیشن اریجیت سنگھ کی تعریف کی ہے۔گلوکارہ نے جلد ہی ان کے ساتھ کام کرنے کی دلی خواہش کا اظہار کرتے ہوئے کہا کہ گلوکار کی موسیقی تفریح سے بہت آگے ہے اور لوگوں کو ٹھیک کرنے کی بھی طاقت رکھتی ہے۔ایک خصوصی گفتگو میں، پلے بیک سنگنگ میں اریجیت کی بے پناہ مقبولیت کے بارے میں بات کرتے ہوئے، جیوترمائی نے کہا کہ انہیں یہ دیکھ کر خوشی ہوئی ہے کہ وہ یادگار موسیقی تخلیق کرتے رہتے ہیں جو سامعین کے دل کی گہرائیوں سے گونجتی ہے۔
انہوں نے کہا"میں بے حد خوش ہوں کیونکہ اریجیت سنگھ صاحب صرف گاتے ہی نہیں، وہ اپنی موسیقی کے ذریعے لوگوں کو شفا دیتے ہیں۔ ان کے گانوں میں بے پناہ روح ہے، اور سامعین اس جذبے سے گہرا تعلق رکھتے ہیں۔ انڈسٹری کے لیے یہ حیرت انگیز ہے کہ ایک ایسے غیر معمولی گلوکار کا خوبصورت موسیقی تخلیق کرنا جاری رکھنا ہے،"۔
انھوں نے آنے والے وقت میں اریجیت سنگھ اور شریا گھوشال کے ساتھ بھی کام کرنے کی خواہش ظاہر کی۔انہوں نے کہا، "اریجیت سنگھ سر اور شریا گھوشال میڈم کے ساتھ گانا میرا خواب ہے۔ میں ظاہر کر رہی ہوں کہ یہ ایک دن ہو گا۔"جیوترمائی کے تبصرے ارجیت سنگھ کی جانب سے پلے بیک سنگنگ کی نئی اسائنمنٹس لینے سے ریٹائرمنٹ کے اعلان کے چند ماہ بعد آئے ہیں۔
