جے ڈی یو کے سربراہ اور بہار کے وزیراعلی نتیش کمار 10 اپریل کو راجیہ سبھا کے رکن کے طور پر حلف لیں گے۔ دوسرے اراکین بھی اسی دن حلف لینے والے ہیں، ذرائع نے جمعرات کو بتایا۔ حلف برداری تقریب کےلئے نتیش کمار 9 اپریل کو دہلی کے لیے روانہ ہوں گے۔ مانا جا رہا ہے کہ 14 اپریل کے بعد بہار میں نئی حکومت بنے گی۔
نتیش کمار کو Z+ سیکورٹی جاری رہے گی
اس سے پہلے دن میں، بہار کے محکمہ داخلہ نے احکامات جاری کرتے ہوئے کہا تھا کہ نتیش کمار کو بہار کے وزیر اعلیٰ کے عہدے سے سبکدوش ہونے کے بعد بھی 'Z پلس' زمرہ کی سیکورٹی ملتی رہے گی۔ اسپیشل برانچ کے ذریعہ جاری کردہ حکم نامے میں کہا گیا ہے کہ راجیہ سبھا کے رکن کے طور پر عہدہ سنبھالنے پر ان کی حفاظت برقرار رہے گی۔ یہ حکم بہار اسپیشل سیکیورٹی ایکٹ 2000 کی دفعات کے تحت ان کی حفاظتی ضروریات کا جائزہ لینے کے بعد جاری کیا گیا ہے۔ حکم کے مطابق پولیس کے ڈائریکٹر جنرل اور اسپیشل برانچ کو اعلیٰ ترین سطح کے تحفظ کو یقینی بنانے کی ہدایت دی گئی ہے۔
کچھ Z+ سیکیورٹی کور کے بارے میں
واضح رہے کہ 'Z Plus' زمرہ ہندوستان میں سیکورٹی کور کا سب سے بڑا درجہ ہے جو وزیر اعظم، صدر اور سینئر سیاسی رہنماؤں جیسے اعلیٰ شخصیات کے لیے مخصوص ہے۔سیکیورٹی کور ایک کثیر پرت والا سیکیورٹی انتظام ہے جس میں پرسنل سیکیورٹی آفیسرز (PSOs)، مسلح گارڈز، ایسکارٹ گاڑیاں، اور چوبیس گھنٹے نگرانی سمیت تقریباً 55 اہلکار ہوتے ہیں۔
ایم ایل سی سے نتیش نے دیا استعفیٰ
خیال رہے کہ نتیش کمار 16 مارچ کو راجیہ سبھا کے لیے منتخب ہوئے تھے اور بعد ازاں انہوں نے 30 مارچ کو بہار قانون ساز کونسل سے استعفیٰ دے دیا تھا۔ ایوان بالا میں ان کے داخلے سے ریاست میں ایک اہم سیاسی تبدیلی کی توقع ہے۔
نتیش کمار نے بہار قانون ساز کونسل کی رکنیت سے استعفیٰ دے دیا۔اس ماہ کے شروع میں راجیہ سبھا کے لیے منتخب ہونے والے نتیش کمار نے بہار قانون ساز کونسل کی رکنیت سے استعفیٰ دے دیا تھا۔ جے ڈی یو کے قومی صدر نتیش کمار کے بہار قانون ساز کونسل سے استعفیٰ دینے کے فیصلے کے بعد ریاست کے نئے وزیر اعلیٰ کو لے کر قیاس آرائیاں تیز ہو گئی ہیں۔
بہار میں کب بننے گی نئی حکومت
نتیش کمار کے قریبی ساتھی کچھ عرصے سے آئینی دفعات کا حوالہ دیتے ہوئے اس بات کا اشارہ دے رہے ہیں کہ کسی شخص کو قانون ساز اسمبلی یا قانون ساز کونسل کا رکن بننے کے بعد بھی چھ ماہ تک وزیر اعلیٰ کے عہدے پر رہنے کی اجازت ہے۔ لیکن بہار میں نئی حکومت تشکیل دینے کے معاملے پر قیاس آرائیاں تیز ہو گئیں ہیں۔
