اترپردیش کے بلیا ضلع کے ایک علاقے میں افسوسناک واقعہ سامنے آیا ہے، جہاں بجلی کا کرنٹ لگنے سے ایک نوجوان کی موت ہوگئی۔ اس واقعہ کے بعد گاؤں والوں کا غصہ بھڑک اٹھا۔ انہوں نے لاش سڑک پر رکھ کر احتجاج شروع کردیا اور سڑک بلاک کردی۔
پولیس نے دھرنے پر بیٹھی خواتین پر لاٹھی چارج کیا:
واقعہ کی اطلاع ملتے ہی پولیس موقع پر پہنچ گئی اور مظاہرین کو ہٹانے کی کوشش کی۔ لیکن جب لوگ نہ مانے تو پولیس نے لاٹھی چارج کیا۔ اس دوران سڑک پر پرامن طریقے سے دھرنے پر بیٹھی خواتین پر لاٹھی چارج بھی کیا گیا۔ خواتین کے ساتھ پولیس کے اس رویے کی ویڈیو سوشل میڈیا پر تیزی سے وائرل ہو رہی ہے۔
यह बलिया वाले कैसे डर के भाग गए? 😡
— Anil Tiwari (@Interceptors) July 31, 2025
जिन्होंने अंग्रेजों को भगा दिया था वो इनसे डर गए? https://t.co/Wj8oCTiLVf
ویڈیو میں واضح طور پر دیکھا جا سکتا ہے کہ خواتین پرامن احتجاج کر رہی تھیں لیکن پولیس نے انہیں بھی نہیں بخشا۔ کئی خواتین کو لاٹھیوں سے مارا گیا جس سے علاقے میں کشیدگی پھیل گئی۔ اس غیر انسانی رویے کو لے کر لوگوں میں کافی ناراضگی ہے اور انتظامیہ پر سنگین سوالات اٹھائے جا رہے ہیں۔
جانیئے متوفی کے اہل خانہ کے مطالبات:
متوفی نوجوان کے اہل خانہ کا کہنا ہے کہ علاقے میں کافی عرصے سے بجلی کی تاریں لٹک رہی ہیں جس کی متعدد بار شکایت کی گئی لیکن کوئی کارروائی نہیں کی گئی۔ ان کا مطالبہ ہے کہ ذمہ دار اہلکاروں کے خلاف سخت کارروائی کی جائے اور متوفی کے لواحقین کو معاوضہ دیا جائے۔
ساتھ ہی پولیس کا کہنا ہے کہ حالات پر قابو پانے کے لیے ہلکی طاقت کا استعمال کیا گیا۔ لیکن وائرل ویڈیو انتظامیہ کی اس وضاحت پر سوال اٹھا رہا ہے۔ واقعے کے بعد پورے علاقے میں پولیس کی بھاری نفری تعینات کردی گئی ہے۔ حکام کا کہنا ہے کہ معاملے کی تحقیقات کی جا رہی ہیں اور ذمہ داروں کے خلاف سخت کارروائی کی جائے گی۔
