اترپردیش کے پریاگ راج میں ایک کولڈ اسٹوریج کی عمارت پیرکو منہدم ہوگئی۔ جس کے نتیجے میں چارمزدور ہلاک اور 12 دیگر زخمی ہوگئے۔ یہ واقعہ دوپہر کے وقت پیش آیا جب فائر بریگیڈ اور پولیس سمیت متعدد ریسکیو ٹیمیں موقع پر پہنچ گئیں۔
امونیا گیس کے اخراج دھماکہ کا شبہ
ایک اہلکار نے بتایا کہ شبہ ہے کہ دھماکہ امونیا گیس کے اخراج کے بعد ہونے والے دھماکے کی وجہ سے ہوا ہے۔ اس سے علاقے میں خوف و ہراس پھیل گیا جس کے بعد ریاستی ڈیزاسٹر رسپانس فنڈ (ایس ڈی آر ایف) کی ایک ٹیم کو بھی ریسکیو آپریشن میں مدد کے لیے موقع پر پہنچایا گیا، اہلکار نے بتایا کہ زخمیوں کو اسپتال منتقل کیا گیا۔
جانچ کےلئے دی گئی کمیٹی تشکیل
پریاگ راج ڈسٹرکٹ مجسٹریٹ منیش کمار ورما نے نامہ نگاروں کو بتایا کہ واقعہ کی اصل وجہ جاننے کے لیے اب تحقیقات شروع کر دی گئی ہیں۔ ان کا مزید کہنا تھا کہ واقعے کی تحقیقات کے لیے اے ڈی ایم فائنانس کے تحت ایک کمیٹی تشکیل دی گئی ہے، جو ممکنہ طور پر 24 سے 48 گھنٹوں میں رپورٹ پیش کرے گی۔ انہوں نے کہا کہ اس کے بعد ہی ہم صحیح وجہ کا تعین کر سکیں گے۔ "زخمیوں کے حوالے سے، بارہ افراد ہسپتال میں زیر علاج ہیں۔ چار افراد کی موت ہو چکی ہے، اور ہم ان کے اہل خانہ سے رابطہ کر کے مزید کارروائی کر رہے ہیں۔ دیگر امدادی اور بچاؤ کی کاروائیاں جاری ہیں۔"
پی ایم، سی ایم کا اظہار افسوس۔ ایکس گریشیا کا اعلان
وزیر اعظم نریندر مودی نے اس واقعہ میں ہلاک ہونے والوں سے تعزیت کی ہے۔ انہوں نے مرنے والوں کے لواحقین کے لیے 2 لاکھ روپے کی ایکس گریشیا کا بھی اعلان کیا۔ اس کے علاوہ زخمیوں کو 50 ہزار روپے دیے جائیں گے۔وزیر اعظم نے ایکس (سابقہ ٹویٹر) پر ایک پوسٹ میں کہا، "پریاگ راج، اتر پردیش میں ایک عمارت کے گرنے سے ہونے والے حادثے سے بہت دکھی ہوں۔ میرے خیالات اس مشکل گھڑی میں متاثرہ لوگوں اور ان کے خاندانوں کے ساتھ ہیں۔ زخمیوں کو جلد از جلد صحت یاب ہونے کی دعا ہے"۔
اتر پردیش کے وزیر اعلیٰ یوگی آدتیہ ناتھ نے بھی اس واقعے پر افسوس کا اظہار کرتے ہوئے اسے "انتہائی افسوسناک اور دل کو چھونے والا" قرار دیا۔ انہوں نے زخمیوں اور جاں بحق ہونے والوں کے لواحقین کے لیے مالی امداد کا بھی اعلان کیا۔ انہوں نے کہا، "میں نے اس حادثے میں جان سے ہاتھ دھو بیٹھنے والوں کے لواحقین کو 2 لاکھ روپے کی مالی امداد فراہم کرنے کی ہدایت جاری کی ہے، اور ضلعی انتظامیہ کے اہلکاروں کو ہدایت دی ہے کہ وہ زخمیوں کو فوری طور پر ہسپتال بھیجیں تاکہ یہ یقینی بنایا جا سکے کہ ان کا مناسب علاج کیا جائے۔"۔
