مغربی بنگال کے مرشد آباد میں جمعہ کی صبح ایک المناک حادثے پیش آیا۔ مسافر ٹرین نے ایک اسکول وین کو ٹکر مار دی۔اس حادثہ میں دو طالب علم سمیت تین افراد کی موت ہو گئی۔ اور متعدد طلباء زخمی بھی ہوئے۔یہ حادثہ مرشد آباد کے برہام پور علاقے میں صبح 7 بجے اس وقت پیش آیا جب طلباء کو لے جانے والی اسکول وین کرناسوبرنا ریلوے کراسنگ پر ٹرین سے ٹکرا گئی۔
ریلوے کراسنگ گیٹ کھلی تھی
عینی شاہدین نے بتایا کہ ریلوے کراسنگ کھلی ہوئی تھی اور جب اسکول وین اسے کراس کر رہی تھی تو آنے والی نیمتیتا-کٹوا مسافر ٹرین نے اسے ٹکر مار دی۔ موقع سے ملی تصویروں میں پٹریوں پر وین کی بکھری ہوئی باقیات دکھائی دے رہی تھیں۔زخمی طلباء کو مرشد آباد میڈیکل کالج اسپتال میں داخل کرایا گیا ہے۔
ریلوے گیٹ مین کے طرز عمل کی جانچ
عینی شاہدین کے حوالے سے مقامی رپورٹس میں بتایا گیا ہے کہ کراسنگ گیٹ اس وقت تک بند رہا جب تک کہ ایک اپ لائن ٹرین گزر نہیں گئی اور بعد میں اسے کھول دیا گیا۔ تاہم، اسے دوبارہ بند نہیں کیا گیا کیونکہ ایک اور ٹرین ملحقہ ٹریک پر پہنچ گئی، جس کے بارے میں ان کا دعویٰ ہے کہ یہ حادثہ پیش آیا۔اس واقعہ نے ریلوے گیٹ مین کے طرز عمل کو جانچ پڑتال میں ڈال دیا ہے۔
گیٹ مین اور ایک سپروائزرمعطل
ریلوے نے کراسنگ پر ڈیوٹی دینے والے گیٹ مین اور ایک سپروائزر کو معطل کر دیا ہے۔ریلوے کے ایک اہلکار نے بتایا کہ پول کار، طلباء کو اسکول لے جا رہی تھی، کٹوا سے تقریباً 48 کلومیٹر دور کرنا سبرنا اسٹیشن کے قریب لیول کراسنگ پھاٹک پر ریل لائنوں کو عبور کر رہی تھی، جب لوکل ٹرین نے گاڑی کو ٹکر مار دی۔
معاملہ درج جانچ جاری
پولیس اور ریلوے کے اعلیٰ حکام جائے حادثہ پر پہنچ گئے ہیں اور حادثے کی باقاعدہ تحقیقات کا آغاز کر دیا گیا ہے، جس میں ریلوے گیٹ مین کی جانب سے لاپرواہی کے الزامات بھی شامل ہیں۔جائے حادثہ کا دورہ کرنے والے کانگریس لیڈر ادھیر رنجن چودھری نے اس سانحہ کے لئے گیٹ مین کی لاپرواہی کو ذمہ دار ٹھہرایا۔
