آندھرا پردیش کے انٹرمیڈیٹ پبلک امتحانات کے نتائج کا بدھ کو اعلان کیا گیا۔طالبات نےانٹر میڈیٹ سال اول اور سال دوم دونوں سالوں میں اپنے لڑکوں پرسبقت لے جاتے ہوئے انھیں پیچھے چھوڑ دیا۔
نتائج ریاستی وزیر تعلیم نارا لوکیش نے جاری کئے۔نتائج میں 77 فیصد امیدواروں نے انٹرمیڈیٹ فرسٹ ایئر (کلاس 11) کے امتحانات پاس کیے، جو گزشتہ 12 سالوں میں سب سے زیادہ ہے، جب کہ 81 فیصد طلباء نے سیکنڈ ایئر (کلاس 12) کے امتحانات پاس کیے، جو گزشتہ 12 سالوں میں دوسری اعلی ترین کارکردگی ہے۔23 فروری سے 25 مارچ تک منعقدہ IPE سال اول اور سال دوم کے امتحانات میں کل 9,18,401 طلباء نے شرکت کی تھی۔
لڑکیوں نے ماری بازی
حکام کے مطابق، 4,71,864 طلباء نے سال اول کے امتحان میں شرکت کی اور ان میں سے 3,61,526 (77%) کامیاب ہوئے۔ لڑکیوں کی کا میابی کا تناسب 81 جبکہ لڑکوں کے کامیابی کا تناسب 72 فیصد رہا۔
انٹرسکنڈر ایئر
انٹر میڈیٹ سال دوم کے امتحانات میں 4,46,537 امیدواروں نےحصہ لیا اور ان میں سے 3,59,816 (81فیصد ) نے کوالیفائی کیا۔ لڑکیوں کی کامیابی کا تناسب 85فیصد رہا ۔ جبکہ لڑکے 76 فیصد پاس ہوئے اور لڑکیوں سے پیچھے رہے۔
گورنمنٹ کالجوں کے اچھے نتائج
"گورنمنٹ جونیئر کالجوں (GJCs) میں، سال اول کے طلباء کے لیے، پاس کا فیصد 54% ہے، جو 12 سالوں میں سب سے زیادہ ہے۔ دوسرے سال کے لیے، پاس کا فیصد 68% ہے، جو پچھلے 12 سالوں میں دوسری اعلی ترین کارکردگی کو نشان زد کرتا ہے،"۔وزیر نے کہا کہ "یہ کامیابی طلباء، پرنسپلز، جونیئر لیکچررز کی محنت اور تمام اسٹیک ہولڈرز کی تعلیمی فضیلت کے لیے مرکوز کوششوں کا ثبوت ہے۔"۔
نا کامی کامیابی کی پہلی سڑھی۔ ہمت نہ ہاریں
انہوں نے مزید کہا۔"جو لوگ اس بار کامیاب نہیں ہوسکے ان کے لیے - ہمت نہ ہاریں۔ اسے ایک سیڑھی کے طور پر استعمال کریں، سخت محنت کرتے رہیں، اور مضبوطی سے واپس آئیں۔ میں والدین، کالج اور معاشرے سے درخواست کرتا ہوں کہ وہ اس حساس موڑ پر طلبہ کی اخلاقی مدد کریں۔ تمام طلبہ کے لیے نیک تمنائیں، ان کے مستقبل کی کوششوں میں۔ دعا ہے کہ آپ سیکھتے رہیں، ترقی کرتے رہیں اور کامیاب رہیں،" ۔
طلباء اپنے نتائج آن لائن https://resultsbie.ap.gov.in پر دیکھ سکتے ہیں۔ منا مترا واٹس ایپ نمبر 9552300009 پر "Hi" پیغام بھیج کر بھی نتائج تک رسائی حاصل کی جا سکتی ہے۔
دوبارہ گنتی کی درخواست
بورڈ آف انٹرمیڈیٹ ایجوکیشن نے یہ بھی اعلان کیا ہے کہ امیدوار دوبارہ گنتی یا دوبارہ تصدیق کے لیے 20 اپریل سے 27 اپریل تک درخواست دے سکتے ہیں۔
ضلع کرشنا کا ملا پہلا مقام
دریں اثنا، اے پی انٹر کے نتائج میں سب سے زیادہ پاس فیصد ضلع کرشنا میں درج کیا گیا۔ اس ضلع میں 92 فیصد طلبہ پاس ہوئے۔ اس کے بعد گنٹور میں 88 فیصد اور این ٹی آر ضلع میں 87 فیصد رہا۔ سب سے کم پاس فیصد انامایا ضلع میں ریکارڈ کیا گیا۔ اس ضلع میں صرف 62 فیصد طلبہ پاس ہوئے۔
21 مئی سے سپلیمنٹری امتحانات
اے پی انٹر سپلیمنٹری امتحانات 21 مئی سے شروع ہوں گے۔ امتحانات 4 جون تک ہوں گے۔ یہ امتحانات متعلقہ تاریخوں پر دو سیشنز میں منعقد ہوں گے۔ فیل ہونے والے طلباء کے لیے انٹر پریکٹیکلز 7 سے 11 جون تک ہوں گے۔
c25db313-7243-4a8c-8cf9-45f00da3bb46174202611349.jpg)
