ایک تاریخی اقدام کے طور پر، ریونت ریڈی کی زیر قیادت تلنگانہ کانگریس حکومت نے فیز 2 کے تحت حیدرآباد میٹرو ریل کی طویل انتظار کی توسیع کو منظوری دی ہے۔تلنگانہ حکومت نے پرانے شہر حیدرآباد میں میٹرو ریل نیٹ ورک کے لیے 125 کروڑ روپے کی منظوری دی ہے۔ پیر کو ریاستی حکومت نے اس سال کے بجٹ میں پرانے شہر تک میٹرو ریل کی توسیع کے لیے 500 کروڑ روپے مختص کیے ہیں۔
نیا مرحلہ جوائنٹ وینچرماڈل کے ذریعے تیار کیا جائے گا۔ تلنگانہ حکومت نے اب باضابطہ طور پر 19,579 کروڑ روپے کی لاگت سے میٹرو کے فیز-2 (B) کی تعمیر کو منظوری دی ہے۔ اس مرحلے کو مشترکہ منصوبے کے طور پر فنڈ کیا جائے گا۔ جملہ لاگت میں سے، تلنگانہ حکومت 5,874 کروڑ کا حصہ رہےگا، جو کہ فنڈنگ کا 30 فیصد بنتا ہے اور اسے سب سے بڑا حصہ ہے۔
مرکزی حکومت 3,524 کروڑ روپئے فراہم کرے گی جو کہ پروجیکٹ کی لاگت کا 18 فیصد ہے۔ مزید برآں، جاپان انٹرنیشنل کوآپریشن ایجنسی (JICA)، ایشیائی ترقیاتی بینک (ADB)، اور نیو ڈیولپمنٹ بینک (NDB) سمیت بین الاقوامی مالیاتی اداروں سے 9,398 کروڑ روپئے اکٹھے کیے جائیں گے۔ یہ ادارے مل کر 48 فیصد حصہ ڈالیں گے۔
پبلک پرائیویٹ پارٹنرشپ (PPP) ماڈل کے تحت، ریاست مزید 783 کروڑ روپئے اکٹھا کرنے کا ارادہ رکھتی ہے، جو کہ فنڈنگ کے ڈھانچے میں 4 فیصد حصہ کی نمائندگی کرتی ہے۔ اس سلسلے میں میٹروپولیٹن ایریا اور شہری ترقی محکمہ کے سکریٹری لامبرتی نے احکامات جاری کیے ہیں۔
حیدرآباد میٹرو فیز 2 کی منظوری مرکز کے ذریعہ کئی دیگر بڑے میٹرو پروجیکٹ کی منظوریوں کے پس منظر میں آئی ہے۔ مرکزی حکومت نے گزشتہ سال اکتوبر میں چنئی میٹرو فیز-2 کے لیے 63,246 کروڑ، اپریل 2021 میں بنگلورو میٹرو فیز-2 کے لیے 14,788 کروڑ، اور اگست 2024 میں بنگلورو میٹرو فیز-3 کے لیے 15,611 کروڑ روپے کی منظوری دی تھی۔
حیدرآباد میٹرو فیز-2 کے لیے تجاویز باضابطہ طور پر 4 نومبر 2023 کو مرکزی وزارت ہاؤسنگ اور شہری امور کو پیش کی گئیں۔ اس تازہ ترین اقدام کے ساتھ، تلنگانہ حکومت حیدرآباد میں میٹرو انفراسٹرکچر اور شہری ٹرانزٹ کنیکٹیویٹی کو تیز کرنے کے اپنے ارادے کا اشارہ دیتی ہے۔
واضح رہےکہ پرانے شہر حیدرآباد کےعوام میٹر و ریل سے محروم ہیں۔ قدیم شہر میں میٹرو ریل آنے سے سیاحت اور مقامی تجارت میں اضافہ کی توقع ہے۔ قدیم شہر میں میٹرو ریل کی تعمیر کیلئے مہاتما گاندھی بس اسٹیشن سے لائین بچھائی جا ئے گی۔ یہ چارمینار سے ہوتے ہوئے فلک نماں، چندرائن گٹہ، سے گزر کر شمس آباد ایرپورٹ تک جائےگی۔
فی الحال پرانے شہرمیں میٹرو ریل کی تیاری جاری ہے۔ حکومت عوام کومعاوضہ دے کرٹرین کی تعمیراتی کاموں کیلئے زمین حاصل کر رہی ہے۔ اس رقم کی اجرائی کےساتھ ہی تعمیراتی کاموں میں تیزی آنے کی امید ہے۔
