b74b07ca-276b-43a3-9630-17ec280e20a92852025185133.jpg)
حیدرآباد آوٹررنگ روڈ اورکونڈا پور فیز 2 کو جوڑنے والا فلائی اوور مکمل ہوچکا ہے۔ طویل انتظارکے بعد اس فلائی اوور کا افتتاح یوم تاسیس تلنگانہ کے موقع پر2 جون کوتلنگانہ وزیراعلیٰ اے ریونت ریڈی کے ہاتھوں ہونے کی امید ہے۔ اس فلائی اوورکےافتتاح کے بعدملٹی لیول فلائی اوور سے گچی باولی جنکشن پر ٹریفک کے بہاؤ میں تیزی ہوگی ۔
اسٹریٹجک روڈ ڈیولپمنٹ پروجیکٹ کے تحت 1.2 یہ فلائی اوورگچی باولی جنکشن اور شلپا لے آؤٹ فیزون کے فلائی اوور پر تعمیرکیا گیا ہے۔ اسٹریٹجک روڈ ڈیولپمنٹ پروجیکٹ کے ثمرات ایک ایک کرکے دستیاب ہورہے ہیں۔ حیدرآباد شہر کو ایک کاسموپولیٹن شہر میں تبدیل کرنے کے عزم کے ایک حصے کے طور پر، سابقہ کے سی آر حکومت نے 42 پروجیکٹوں کا آغاز کیا تھا ۔ شہر کو سگنل فری بنانے کے مقصد کے ساتھ ٹریفک کو کنٹرول کرنے اور گاڑیوں کی ہجوم کو کم کرنے، فضائی آلودگی کم کرنے کے لئے شروع کیا تھا۔
پروجیکٹ کی تفصیلات
گچی باولی شلپا لے آؤٹ فیزٹو،فلائی اوور اسٹریٹجک روڈ ڈیولپمنٹ پروگرام کے تحت 178 کروڑ روپے کی لاگت سے تعمیر کیا گیا ۔ یہ فلائی اوور 1.2 کلومیٹر لمبا اور 24 میٹر چوڑا ہے جس میں چھ لین ہیں۔ اس فلائی اوور کی خاص بات یہ ہے کہ یہ سڑک پر تیسرا فلائی اوور ہے۔ اس کے نیچے دو فلائی اوور موجود ہیں۔ نیچے گچی باولی جنکشن فلائی اوور ہے، اس کے اوپر شلپا لے آؤٹ فیز 1 فلائی اوور ہے، اور اب اس کے اوپر فیز 2 فلائی اوور بنایا گیا ہے۔اس فلائی اوور کو عوام کیلئے کھول دینے کےبعد حیدرآباد کے باشندوں کو خاص طور پر آئی ٹی کوریڈور میں سفر کرنے والوں کو کافی فائدہ ہوگا۔ گچی باؤلی جنکشن پر ٹریفک کافی حد تک کم ہو جائے گی، اور سفر کا وقت بھی بچ جائے گا۔ قابل ذکر ہے کہ ایس آر ڈی پی پروجیکٹ میں یہ 23 واں فلائی اوور ہے۔
ٹریفک کی پریشانیوں کا جائزہ
یہ فلائی اوور گچی باؤلی جنکشن پر ٹریفک کے شدید مسئلہ کو کافی حد تک کم کر دے گا۔ یہ اوٹر رنگ روڈ سے کونڈا پور اورحفیظ پیٹ کے راستوں پر جانے والی گاڑیوں کے لیے بہت آسان ہے۔ ہائی ٹیک سٹی اور فاننشیل ڈسٹرکٹ سے بہتر رابطہ ہوگا۔ سفر کا وقت بچانے کے علاوہ، آپ گھنٹوں ٹریفک میں انتظار کیے بغیر اپنی منزلوں تک تیزی سے پہنچ سکتے ہیں۔ کونڈا پور علاقہ سے شمش آباد ایر پورٹ علاقہ تک کونڈا پور علاقہ تک گچی بوولی پر بغیر کسی ٹریفک جام کے سیدھا راستہ ہے۔
فلک نما،شاستری پورم آراوبی کوجلد مکمل کرنےکی ہدایت
اس تناظرمیں کمشنر آروی کرنن نے ریلوے حکام سے کہا کہ وہ دو سے تین ماہ کے اندر فلک نما آر او بی اور شاستری پورم آر او بی کی ریلوے فورس کو مکمل کریں۔ فلک نما آر او بی اگلے جولائی کے آخر تک اور شاستری پورم آراوبی کو اگست کے آخر تک عوام کیلئے دستیاب کرانے کے لیے اقدامات کیے گئے ہیں۔
