ری نیٹ یوجی سے ایک دن پہلے ری نیٹ موک ڈرل ہونے جا رہا ہے۔ 21 جون اتوارکو ہونے والا ری نیٹ امتحان کےلئے ملک بھر میں جوش وخروش دیکھا جا رہا ہے۔ NEET کا دوبارہ امتحان پچھلے مہینےپیپر لیک ہونے کےبعد ہورہا ہے۔ طلباء اور والدین کی جانب سے پیپر لیک ہونے کےبعد شدید تشویش پائی گئی، حکومت کو سیاسی تنقید کا سامنا کرنا پڑا، اور کچھ طلباء نے خودکشیاں بھی کی۔ اس کے بعد ری نیٹ ایگزام کو اہمیت حاصل ہو گئی ہے۔پیپر لیک ہونے کے بعد امتحان کا انعقاد کرنے والی ایجنسی این ٹی اے (نیشنل ٹیسٹنگ ایجنسی) مناسب احتیاط برت رہی ہے۔ قابل ذکر ہے کہ امتحان کے انعقاد میں ہندوستانی فوج بھی حصہ لے رہی ہے۔ نیٹ یوجی کا دوبارہ امتحان اتوار21 جون کو ملک بھر میں منعقد ہوگا۔
اس تناظر میں، امتحان سے ایک دن پہلے، این ٹی اے ہفتہ 20 جون کو ملک بھر میں ایک موک ڈرل کرنے کے لیے تیار ہے۔ امتحان کے دوران کسی بھی ناخوشگوار واقعے سے بچنے کے لیے احتیاطی تدابیر کے تحت موک ڈرل کا انعقاد کیا جائے گا۔ امتحانی مراکز پر ہفتہ کی صبح 9 بجے سے شام 5 بجے تک موک ڈرل جاری رہے گی۔ موک ڈرل میں امتحان کی تیاری، کوآرڈینیشن، حفاظتی اقدامات اور امتحان کے طریقہ کار جیسے موضوعات کا احاطہ کیا جائے گا۔
2.5 لاکھ سیکورٹی اہلکار اس موک ڈرل میں حصہ لینے جا رہے ہیں، جو ملک بھر کے 5000 سے زائد امتحانی مراکز پر منعقد کی جائیں گی۔ تمام امتحانی پرچے اور کتابچے پہلے ہی مرکزی نیم فوجی دستوں کے ساتھ مختلف محکموں کے سیکورٹی اہلکاروں کی تحویل میں رکھے گئے ہیں۔ امتحان کے دوران تین درجے سیکورٹی ہوگی۔ NEET کا امتحان سی سی ٹی وی کیمروں اور لاکھوں سیکورٹی اہلکاروں کے درمیان منعقد کیا جائے گا۔
جبکہ امیدواروں کو پہلے ہی امتحان کے لیے ہال ٹکٹ مل چکے ہیں، اب این ٹی اے واٹس ایپ کے ذریعے مناسب ہدایات کے ساتھ معلومات بھی فراہم کر رہا ہے۔ امتحانات کے دوران ملک بھر کے تمام میڈیکل کالجز اور میڈیکل تعلیمی اداروں میں ہائی الرٹ کا اعلان کر دیا گیا ہے۔ امتحان کو شفاف طریقے سے کرانے کی کوشش کر رہے ہیں۔ مرکز نے پہلے ہی ٹیلیگرام ایپ پر پابندی لگا دی ہے۔ دوسری طرف، این ٹی اے نے اس پروپیگنڈے پر یقین نہ کرنے کا مشورہ دیا ہے کہ NEET کا پیپر لیک ہو گیا ہے۔
