نیشنل ہیرالڈ منی لانڈرنگ کیس میں دہلی کی راؤس ایونیو کورٹ نے جمعہ کو کانگریس کی سابق صدر سونیا گاندھی اور لوک سبھا میں اپوزیشن لیڈر راہل گاندھی کو نوٹس جاری کیا ۔یہ نوٹس ان کے خلاف دائر چارج شیٹ پر نوٹس لینے کے سوال پر سماعت کے لیے جاری کیا گیا ہے۔آپ کو بتا دیں کہ اس سے قبل 15 اپریل کو انفورسمنٹ ڈائریکٹوریٹ (ای ڈی) نے اس معاملے میں شکنجہ کستے ہوئے دونوں لیڈروں اور دیگر کے خلاف چارج شیٹ داخل کی تھی۔
عدالت نے کیا تبصرہ کیا؟
خصوصی جج وشال گوگن نے کہا، چارج شیٹ میں موجود خامیوں کو دور کر دیا گیا ہے اور موجودہ مسئلہ یہ ہے کہ کیا انڈین سول سروسز کوڈ (بی این ایس ایس) کی دفعہ 223 کے تحت نوٹس جاری کیا جانا چاہیے۔انہوں نے کہا، ای ڈی کے چارج شیٹ میں ذکر شدہ راہل، سونیا اور دیگر لوگوں کوعدالت کی جانب سے انکے خلاف باضابطہ طور پر مقدمہ چلانے کا فیصلہ کرنے سے پہلے ،ان کی بات سنی جائے ،انہیں یہ خصوصی حق ہے۔ کیس کی اگلی سماعت 8 مئی کو ہوگی۔
ای ڈی کی چارج شیٹ میں کیا الزامات لگائے گئے؟
ای ڈی نے چارج شیٹ میں سونیا اور راہل کے ساتھ سیم پترودا اور سمن دوبے کو ملزم بنایا ہے۔ای ڈی نے الزام لگایا ہے کہ سونیا اور راہل نے نیشنل ہیرالڈ کے پبلشر ایسوسی ایٹڈ جرنلز لمیٹڈ (اے جے ایل) کے 2,000 کروڑ روپے کے اثاثوں کو "ہتھیانے" کے لیے "مجرمانہ سازش کی تھی۔اس کے لیے انہوں نے AJL کے 99 فیصد حصص 50 لاکھ روپے میں ینگ انڈین نام کی ایک نجی کمپنی کو منتقل کر دیے۔ ینگ انڈین میں سونیا اور راہل کی 76 فیصد حصہ داری ہے۔
ای ڈی نے یہ بھی الزامات لگائے:
ای ڈی کے چارج شیٹ کے مطابق، ملزم نے کانگریس کی طرف سے اے جے ایل کو دیے گئے 90.21 کروڑ روپے کے بقایا قرض کو 9.02 کروڑ روپے کے ایکویٹی شیئرز میں تبدیل کیا۔ بعد میں یہ تمام حصص ینگ انڈین کو صرف 50 لاکھ روپے میں منتقل کر دیے گئے۔ای ڈی کے مطابق، اس طرح سونیا اور راہل اے جے ایل کی ہزاروں کروڑ روپے کی جائیدادوں کے مالک بن گئے تھے۔
نیشنل ہیرالڈ کیس کیا ہے؟
2013 میں، بی جے پی لیڈر سبرامنیم سوامی نے ایک عرضی دائر کی تھی جس میں راہل اور سونیا پر نیشنل ہیرالڈ اخبار چلانے والی کمپنی ایسوسی ایٹڈ جرنلس لمیٹڈ (اے جے ایل) کے حصول میں دھوکہ دہی کا الزام لگایا گیا تھا۔انہوں نے الزام لگایا کہ اسے ینگ انڈیا لمیٹڈ (YIL) کے ذریعے غیر قانونی طور پر حاصل کیا گیا اور اس کے ذریعے کانگریس لیڈروں نے 2,000 کروڑ روپے کے اثاثوں پر قبضہ کیا تھا۔سونیا اور راہول کے YIL میں 38-38 فیصد شیئرز ہیں۔ اس معاملے میں سونیا اور راہل سے پوچھ گچھ کی گئی ہے۔
