ہندوستانی وزیراعظم نریندر مودی کو قبرص قبرص کی حکومت نے اعلیٰ ترین اعزاز سے نوازا۔ قبرص کے صدر، نیکوس کرسٹوڈولائڈز نے بھارت کے وزیراعظم نریندرمودی کوقبرص کے اعزاز-’’گرینڈ کراس آف دی آرڈر آف مکاریوس سوم‘‘ سے نوازا ۔وزیر اعظم نے 1.4 بلین ہندوستانیوں کی جانب سے یہ اعزاز قبول کرتے ہوئے قبرص کے صدر ، حکومت اور عوام کا تہہ دل سے شکریہ ادا کیا ۔ انہوں نے اس ایوارڈ کو ہندوستان اور قبرص کے درمیان دیرینہ گرمجوشی کے تعلقات کے لیے وقف کیا جو مشترکہ اقدار اور باہمی اعتماد پر استوار ہیں ۔ انہوں نے مزید کہا کہ یہ ایوارڈ ہندوستان کے صدیوں پرانے فلسفے ’’وسودھیو کٹمبکم‘‘ یا ’’دنیا ایک خاندان ہے‘‘ کا اعتراف ہے، جو عالمی امن اور ترقی کے لیے اس کے وژن کی رہنمائی کرتا ہے ۔
وزیر اعظم نے اس اعزاز کو ہندوستان اور قبرص کے درمیان شراکت داری کو مضبوط اور متنوع بنانے کے نئے عہد کے طور پر قبول کیا۔ انہوں نے زور دے کر کہا کہ یہ ایوارڈ امن، سلامتی، خودمختاری، علاقائی سالمیت اور خوشحالی کے لیے دونوں ممالک کے غیر متزلزل عزم کی علامت ہے۔ اعزاز کو حاصل کرتے ہوئے ان کی تقریر کا لنک یہاں دیکھا جا سکتا ہے ۔
اس سے پہلے وزیراعظم نریندر مودی نے قبرص کے صدرنکوس کرسٹو ڈولیڈیس کے ساتھ نے ہفتہ کو، لیما سول میں قبرص اور ہندوستان کے کاروباری رہنماؤں کے ساتھ ایک گول میز کانفرنس کی قیادت کی۔ اس گول میز کانفرنس میں بینکنگ، مالیاتی اداروں، مینوفیکچرنگ، دفاع، لاجسٹکس، میری ٹائم، شپنگ، ٹیکنالوجی، جدت، ڈجیٹل ٹیکنالوجیز، اے آئی ، آئی ٹی خدمات، سیاحت اور نقل و حمل جیسے مختلف شعبوں کے نمائندوں نے شرکت کی۔
وزیراعظم نریندر مودی نے کہا کہ ہندوستان، اگلی نسل کی اصلاحات، پالیسی کی پیش گوئی، مستحکم سیاست اور کاروبار کرنے میں آسانی کے ذریعہ دنیا کی سب سے تیزی سے ترقی کرنے والی بڑی معیشت بن گیا ہے۔ جدت طرازی، ڈجیٹل انقلاب، اسٹارٹ اپس اور مستقبل کے بنیادی ڈھانچے کی ترقی کو دی جانے والی ترجیحات پر زور دیتے ہوئے انہوں نے اس یقین کا اظہار کیا کہ ہندوستان دنیا کی پانچویں سب سے بڑی معیشت اور چند برسوں میں تیسری سب سے بڑی معیشت بننے کی پوزیشن میں ہے۔ انہوں نے کہا کہ ہندوستان کی شہری ہوا بازی، بندرگاہ، جہاز سازی، ڈجیٹل ادائیگیوں اور سبز ترقی کے شعبوں میں مسلسل ترقی نے قبرص کی کمپنیوں کے لیے ہندوستان کے ساتھ شراکت کے بے شمار مواقع کھولے ہیں۔ انہوں نے ہندوستان کے ہنر مند صلاحیت اور اسٹارٹ اپس ایکو سسٹم کی طاقتوں کو مزید اجاگر کیا اور مینوفیکچرنگ، اے آئی، کوانٹم، سیمی کنڈکٹر اور اور معدنیات کو ہندوستان کی ترقی کی کہانی میں تعاون کرنے والے نئے اور ابھرتے ہوئے شعبوں کے طور پر اجاگر کیا۔
جیسا کہ قبرص آئندہ برس یوروپی یونین کونسل کی صدارت سنبھالنے کی تیاری کر رہا ہے، دونوں رہنماؤں نے ہندوستان-یوروپی یونین اسٹریٹجک پارٹنرشپ کو مزید مضبوط کرنے کے اپنے عزم کا اعادہ کیا۔ انہوں نے سال کے آخر تک ہندوستان-یوروپی یونین کے آزاد تجارتی معاہدے کو ختم کرنے کے بارے میں امید ظاہر کی جس سے دونوں ممالک کے درمیان تجارتی اور اقتصادی تعاون کو بھی بڑا فروغ ملے گا۔ وزیر اعظم نے اس بات پر زور دیا کہ کاروباری گول میز کانفرنس نے عملی تجاویز دی ہیں جو کہ ایک منظم اقتصادی روڈ میپ کی بنیاد بنیں گی، جو تجارت، اختراعات اور اسٹریٹجک شعبوں میں طویل مدتی تعاون کو یقینی بنائے گی۔
مشترکہ خواہشات اور مستقبل پر مرکوز نقطہ نظر کے ساتھ ہندوستان اور قبرص متحرک اور باہمی طور پر فائدہ مند اقتصادی تعاون کے ایک نئے دور کے لیے تیار ہیں۔
