کولکاتا کے ایڈن گارڈنز میں آئی پی ایل میچ پر بارش نے خلل ڈالا۔ کولکاتا نائٹ رائیڈرز (KKR) اور پنجاب کنگز (PBKS) کے درمیان میچ بارش نے روک دیا۔ کے کے آر کی اننگز کے 3.4 اوور میں بارش شروع ہونے کے بعد امپائرز نے کھیل روک دیا۔ اس وقت کولکتہ کا اسکور 2 وکٹ پر 25 تھا۔ اجنکیا رہانے (8) اور انگکرش راگھونشی (7) کریز پر تھے۔
اس سے پہلے کے کے آر کے کپتان نے ٹاس جیت کر بیٹنگ کا فیصلہ کیا۔ تاہم پنجاب کے گیند باز زیویئر بارٹلیٹ نے کے کے آر کو جلد ہی نقصان پہنچایا۔ انہوں نے اوپنر فن ایلن (6) اور کیمرون گرین (4) کی وکٹیں لے کر کولکتہ کو دباؤ میں ڈال دیا۔ بارٹلیٹ نے صرف 1.4 اوورز میں 9 رنز دے کر 2 وکٹیں حاصل کیں۔
میچ شروع ہونے کے کچھ ہی دیر بعد بارش شروع ہوئی تو گراؤنڈ اسٹاف نے فوری طور پر پچ اور پورے میدان کو کور سے ڈھانپ لیا۔ اگرچہ بارش تھوڑی دیر کے رکنے کے بعد کور کو ہٹا دیا گیا تھا لیکن پھر بوندا باندی شروع ہونے کی وجہ سے میچ جاری نہیں رہ سکا۔ ہلکی بارش کی وجہ سے میچ فی الحال تاخیر کا شکار ہے۔ چونکہ ایڈن گارڈنز میں پورے میدان کو ڈھانپنے کی سہولت موجود ہے، اس لیے بارش مکمل طور پر رکنے کی صورت میں میچ جلد شروع ہونے کا امکان ہے۔
دونوں ٹیمیں اس میچ کو جیتنے کےلئے کوشیاں ہیں۔ کولکاتا رائیٹ رائیڈرز اس سیزن میں اپنی پہلی جیت درج کرانے کی کوشش میں ہے۔ اور ادھر پنجاب کنگز مسلسل اپنی تیسری جیت درج کرانے کےلئے میدان میں اتری ہے۔
