مدھیہ پردیش سے راجیہ سبھا کے لیے کانگریس امیدوار میناکشی نٹراجن کی نامزدگی مسترد کر دی گئی۔ تاہم،میناکشی نے اس معاملے کو فوری طور پر اٹھانے کے لیے آج سپریم کورٹ سے رجوع کیا۔ سپریم کورٹ میں اس درخواست پر جمعہ کو سماعت کی جائے گی۔
میناکشی نٹراجن معاملے پر سپریم کورٹ میں سماعت
میناکشی کی طرف سے سینئر وکیل ابھیشیک سنگھوی بحث کر رہے ہیں۔ انہوں نے عدالت کو بتایا کہ میناکشی کی نامزدگی کو غلط طریقے سے مسترد کر دیا گیا ہے۔ جسٹس پرشانت کمار مشرا اور جسٹس اے ایس چندورکر پر مشتمل بنچ نے اس کیس کی سماعت کرنے پر اتفاق کیا۔مدھیہ پردیش راجیہ سبھا انتخابات سے جڑے تنازعہ میں کانگریس لیڈر میناکشی نٹراجن کو سپریم کورٹ میں کچھ راحت ملی ہے۔ سپریم کورٹ نے جمعہ کو اس کی درخواست پر سماعت کرنے پر رضامندی ظاہر کی۔ تاہم عدالت نے انتخابی نتائج کو عارضی طور پر معطل کرنے کا حکم جاری کرنے کی درخواست مسترد کر دیا۔
اس معاملے میں چارج شیٹ داخل نہیں
سینئروکیل ابھیشیک منو سنگھوی نے، میناکشی کی نمائندگی کرتے ہوئے، سپریم کورٹ پر زور دیا کہ وہ اس معاملے کی فوری سماعت کرے۔ انہوں نے وضاحت کی کہ انہیں صرف تلنگانہ میں ایک نجی شکایت کے سلسلے میں نوٹس جاری کیا گیا تھا۔ انہوں نے کہا کہ عدالت نے ابھی تک کیس کو سماعت کے لیے قبول نہیں کیا ہے اور اس معاملے میں کوئی چارج شیٹ داخل نہیں کی گئی ہے۔
قواعد کے مطابق معلومات کی فراہمی لازمی نہیں
کانگریس کا کہنا ہے کہ اسے فوجداری مقدمہ نہیں سمجھا جا سکتا۔ اس لیے اس کا کہنا ہے کہ کاغذات نامزدگی میں ان تفصیلات کو ظاہر کرنے کی ضرورت نہیں ہے۔ سنگھوی نے عدالت کی توجہ دلائی کہ انتخابی قواعد کے مطابق بھی اس مرحلے پر معلومات فراہم کرنا لازمی نہیں ہے۔
تین سیٹوں کیلئے18 جون کوالیکشن
واضح رہےکہ مدھیہ پردیش میں راجیہ سبھا کی تین نشستوں کے لیے انتخابات 18 جون کو ہوں گے۔ تاہم منگل کو ایک غیر متوقع پیش رفت ہوئی۔ مدھیہ پردیش راجیہ سبھا الیکشن ریٹرننگ آفیسر اروند شرما نے میناکشی نٹراجن کی عرضی کو اچانک مسترد کر دیا۔ اس نے کانگریس پارٹی کو پریشانی میں ڈال دیا ہے۔ اروند شرما نے اپنے حکم میں کہا کہ میناکشی نے نامکمل دستاویزات جمع کرائے ہیں۔آر۔او نے کہا کہ نٹراجن نے فارم 26 میں اس حقیقت کا ذکر نہیں کیا کہ ان کے خلاف عدالتی کیس ہے۔
ریٹرننگ افسر نے پرچہ نامزدگی مسترد کر دیا
ریٹرننگ افسر نے کہا کہ نٹراجن نے اکتوبر 2025 میں حیدرآباد کی عدالت میں نوٹس کا جواب دیا، لیکن فارم 26 میں اس کا ذکر نہیں کیا۔ بی جے پی امیدوار مہیش کیوت نے اپنی شکایت میں کہا کہ میناکشی کے خلاف تلنگانہ میں مقدمہ درج کیا گیا ہے۔ کاغذات نامزدگی داخل کرنے کی آخری تاریخ 8 جون تھی ۔ منگل کو کاغذات کی جانچ پڑتال کی گئی۔
